.Hawa algérienne

كل ما يهم المراة الجزائرية
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قاطو جديد ،،من كوزينتي ^^

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 88
تاريخ التسجيل : 10/03/2011
العمر : 29

مُساهمةموضوع: قاطو جديد ،،من كوزينتي ^^    الخميس سبتمبر 29, 2011 6:14 pm

السلام عليكم،،

هاني جيت،، توحشتوني شوية ولا لالا

هيا بلا منبدا نهرف،، متديروش عليا راه غلبني رمضان،،

راح نعطيكم واحد الوصفة نتاع واحد القاطو ( زعما حاجة أخرا)

شوفو واش فيه:

3 كيلات كاوكاو يكون مرحي وهو نيئ وبقشورو،،
يسما متعبو رواحكم وتgليوه متشريو المgلي والمقشر
جيبو هداك الرخيس فيهم خلاص هذاك هو المطلوب ،ترحيوه ميكون رطب ميكون خشين بزاف.


زيدو كيلة نتاع سكر،،

نفس الكيلة هاه،، تعودو تديرو كيلة كاوكاو بصحن وكيلة سكر بفنجان

هاه وتزيدو فنجان تاع زبدة، وشوية فاني وشوية نتاع قشور القارص،

هاذو المواد تخلطوهم مع بعضاهم وتبللو بالبيض،،


تبللو ببياض البيض برك حتى يتماسك الخليط



وبعدين يا حلويت تشكلوهم كويرات وتديرو حفرة صغيرونة في الوسط،،
تدهنو السينية بشوية زبدة وتستفو الكويرات عليها،



تدخليهم للفرن يطيبو شوية برك قيس ما يحمارو شوي هدا مكان وتخرجوهم،،

لما تخرجوهم يا شاااطرات تحطوهم في الشاربات يتعسلو،



والشاربات لازم تكون شوية عاقدة كيلة سكر بكيلة ونص تاع الماء

كي تسقسوهم خليوهم ليلة يباتو باش يشربو مليح، والغدوا هذيك حطو شوية معجون في الحفرة هذيك للي خليتوها من قبل.
رشو عليهم سكر قلاصي وشوية لماع،،
ويخرج قاطو تحفة وفي البنة مخلاش.



وبالف صحة وهناء،،



نشالله منكونش ثقلت عليكم،، واسمحولي على رداءة الصور.

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hawa.forumalgerie.net
 
قاطو جديد ،،من كوزينتي ^^
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.Hawa algérienne :: الفئة الأولى :: الطبخ :: كيكات و حلويات-
انتقل الى: